Lundapésinn

The thirteenth

2009-01-10T00:00:00.007Z

Þá er þrettándinn búinn og jólunum því formlega lokið. Aron Darri frændi er einmitt hjá okkur í tilefni þess, en það er hefð fyrir mikilli þrettándagleði hérna í eyjum, brenna og flugeldar, jólasveinar, álfar og tröll og skrúðganga og mikil læti. Það heppnaðist bara mjög vel og Bergur Óli talaði helling við jólasveinana. Hann var hins vegar skíthræddur við tröllin þangað til að eitt þeirra gaf honum stjörnuljós, þá voru þau allt í einu svakalega góð.

Þá þarf maður víst að fara að huga að því að taka niður allt jólaskrautið... 1 stk. aðventuljós, 1 stk. aðventukrans, 2 stk kertastjakar. Úff! Kannski að ég leggi í þetta á morgun.

Hérna eru svo nokkrar myndir frá því í kvöld

Ein gömul og góð klassík

2008-10-27T00:41:00.001Z

http://www.youtube.com/watch?v=IaE3EaQte78

Monty Python stendur alltaf fyrir sínu

Helgafell

2008-10-22T17:34:00.006Z

Fór s.l. laugardag upp á Helgafellið sem er 226 metra hátt. Það var auðvitað bongóblíða eins og alltaf í Vestmannaeyjum og útsýni gott til allra átta. Þar með er þá fyrsti tindurinn kominn á blað þar sem Blátindur verður að bíða betri tíma. Þá er líka eftir Heimaklettur, Miðklettur og Ystiklettur, Klif, Moldi, Eldfell, Sæfjall og Há, Háhá svo eitthvað sé nefnt, þannig að það verður nóg að gera að komast á alla þessa "tinda".

Hér sést Elliðaey (sem sumir segja að sé fallegasta eyja í himinhvolfinu), Eldfellið og svo glittir í Bjarnarey (sem sumir segja að sé ljótasta eyja í geimi með minnstu og ljótustu lunda í heimi), í baksýn er svo Eyjafjallajökull.

Heimaklettur, Miðklettur og Ystiklettur

Eiðið og Herjólfur á leiðinni

Úteyjarnar fyrir suðvestan Heimey

Stórhöfði

Séð inn í Herjólfsdal (Blátindur fyrir miðju)

Blátindur, Háhá og Klif m.a.

Þangað til næst..

Loksins

2008-10-16T16:47:00.000Z

Loksins einhver sem er tilbúinn að taka á sig ábyrgðina!

Blátindur

2008-10-16T12:23:00.007Z

Fékk mér smá labbitúr upp á Blátind í gær eftir vinnu. Búinn að hafa hann fyrir augunum í allt sumar á golfvellinum og ákvað loksins að drífa í því að kíkja þarna upp. Ég hugsaði með mér að þetta gæti nú ekki verið svo erfitt, þetta eru ekki einu sinni 300 metrar og ég hef nú farið margfalt hærra en það. En svo kom ég þarna upp og þá kom í ljós að þetta er brattara en helvíti og auk þess mikið af lausu grjóti á leiðinni upp. Ég lét mig nú ekki hafa það að fara alla leið upp í þetta skiptið þar sem ég var bara einn á ferð og vissi ekkert hvaða leið væri best að fara svo ég rölti bara niður með skottið á milli lappanna.

Ég smellti af nokkrum myndum á símann minn á leiðinni þar sem að myndavélinni okkar var stolið í Montreal á dögunum ásamt fleiru. Gæðin eru þess vegna ekkert svakaleg en þetta verður að duga í bili. Það verður allavega tekin myndavél þegar maður fer á toppinn, hvenær sem það verður. Svo eru allavega 6 tindar í viðbót sem er hægt að klífa hérna. Það verða kannski nokkrir af þeim teknir þegar Ólafur útigangsmaður mætir á svæðið.

Traustvekjandi

2008-10-14T23:31:00.002Z

Þetta er traustvekjandi

Hvernig á maður að geta treyst þessu fólki. Svo segist D.O. hafa varað við þessu en enginn hafi hlustað... öööö var hann ekki forsætisráðherra og svo seðlabankastjóri... og enginn hlustaði á hann... kjaftæði.

Fyrr var oft í koti kátt

2008-10-14T20:17:00.004Z

En nú er ég bara einn í kotinu og því ekki hlegið alveg jafn hátt. Esther tók peyjann með sér í skólann (ekki slæmt að geta byrjað 2. ára í háskóla) og gengur bara vel að mér skilst. Hélt að það yrði nú ágætt að fá smá ró og næði en maður er eiginlega hálf eirðarlaus.

Þá er bara að blogga aftur, það eyddist nú allt gamla bloggið út, ég man ekki hvort ég eyddi því óvart eða ekki en það væri allavega gaman að geta lesið um gömlu dagana. Mig minnir samt að það hafi ekki verið neitt vit í því sem ég skrifaði þá og verður örugglega ekkert vit í því sem ég á eftir að skrifa hér. Allavega, það er fínt að hafa svona fréttaveitu þegar maður er fjarri ströndum Íslands (u.þ.b. 10 km held ég).

Hin tíkin er austur á fjörðum hjá ömmu sinni og afa, vona nú að þau ræni henni ekki fyrir fullt og allt. Var að hlaða þessari mynd úr símanum í dag, það var stundum rólegt í vinnunni í Mosfellsbænum og þá varð maður að hafa sig allan við að láta sér ekki leiðast. Svo það komi fram þá særðust engin dýr við þessa myndatöku.

Svo er hérna einn tengill á Berg Óla að syngja á klósettinu, af þvílíkri innlifun að það hálfa væri nóg. Gaman að geta skoðað þetta þegar hann er fjarri góðu gamni.

Meira síðar, ætla aðeins að dunda mér við að setja einhverja tengla hérna og kannski fegra þessa síðu aðeins á næstunni.

GJ